Zortziko txikian, zortziko handian, ofizioka, kopletan, Habanera doinuan, hamarreko txikian… batzuetan serio, besteetan umorez… bertsotan egiteko mila modu daude eta horietako asko entzuteko aukera izango degu datozen egunetan...

Ikusi bestela asteburu honetarako antolatuta dagoen BERTSOKADA:

Batetik, Komisiyuan eskutik, BERTSO-AFARIA egongo da Amets Arzallus eta Sustrai Colina bertsolariekin Urpekoak elkartean.

Hori ostiralean izango da, urtarrilaren 29an, eta iluntzeko 21:00tan da zita.

(Jakingo duzuenez, sarrerak salgai egon dira Haritza eta Anaiak auzoko tabernetan baina hiru egunetan bukatu ziren guztiak. Asko sentitzen dugu sarrerarik gabe gelditu zaretenongatik…)

Ta bestetik, larunbatean Putzuzulo Gaztetxean entzungo diren bertso doinuak:

Hona hemen BERTSOURREI gauaren inguruko informazioa, www.mundurat.net/xakela-tik hartua:

BERTSOurrei gaua izango dugu urtarrilaren 30ean Putzuzulo Gaztetxean. Bertan betiko bertsolariak alde batera laga eta gaztetxeko zaleak jarriko ditugu proban. Honekin adierazi nahi dugu ez dela beharrezkoa bertso-afai bat antolatu ahal izateko ohikoak diren bertsolariak behar direnik, baizik eta zaletasuna dutenak, beraiek sinetsi eta beraiek kantatzea baino.
 
Afaritara etorri nahi duenak, Gaztetxean edota Arrano edo Eguzki tabernetan izena eman dezake. Eta Gaztetxera hurbildu ezin duenak lasai, Arraio Irratiaren bidez zuzenean emitituko dugu eta.

Gonbitea luzatzen dizuegu, apaya 21tan Zauzko Gaztetxian.

Ikusten dezuenez, ez da ez bertsorik faltako asteburu honetan herrian!

On egiiiin!!!

Ostegunean Villa Manuela gaztetxea itxi zutela hamar urte bete ziren. Hori dela eta, gaur arratsalderako ekitaldiak antolatu ditu ZAGAk Zarauzko Gazte Asanbladak.

Larunbatean 19:00ak aldera Musika Plazan bilduko dira gazte asanbladakoak. Bertan musika, dantza, antzerkia eta beste hainbat jardunaldi uztartuko dituzte. Finean, oroitzapenak ekarriko dituzte gogora.
Horretarako hainbat lagun izango dira plazan: Alberdi poeta, Vladimirreko brigadista bat, Suspikazia taldea, Lope musikaria, Urdanetako Polipaso eta La Morena, besteak beste.
Villa Manuelan biltzen ziren lagun zaharrak elkartzeko eta festa giroa sortzeko gonbitea egin dute ZAGAkoek

Kaixo!

Gaur urtarrilaren 20a da, Sebastian Deunaren eguna. Euskal Herriko beste hainbat txokotan bezalaxe, URTETA auzoan ere ospatzen dira Sebastian Deunaren jaiak.

Hona hemen urtarrilaren 20an hasi eta hilaren 31an amaitu diren festetarako Urtetako bizilagunek prestatu duten 

EGITARAUA:

Urtarrilaren 20an, asteazkenean, Sebastian Deunaren eguna:

10:30tako Meza Nagusiaren ostean, hamaiketakoa eta trikiti-salsa izango da auzo elkartean.

Joseba Areizaga eta Ane Aizpurua trikitilariek alaituko dute hamaiketakoa.

Gauean, 22:30tik aurrera, erromeria egongo da elkartean Elustondo anai-arreben eskutik:

Biharamunean, urtarrilaren 21, Sebastian Deunaren bigarren egunean:

Goizeko 11tik aurrera hamaiketakoa izango da auzo elkartean.

DJ Pirrik ipinitako Euskal musikarekin alaituko da giroa.

Ostiralean, hilaren 22an, berriz, gaueko 22:45tan Hamaika Bertuteko kideekin bertso-tramaz gozatzeko aukera izango da.

Hauexek izango dira Egoitz Aizpuru gai jartzailearen esanetara arituko diren bertsolariak: Ainhoa Agirreazaldegi, Uxue Alberdi, Iñaki Gurrutxaga eta Mantxi.

Hauxe dugu astebururako egitaraua:

Larunbatean, urtarrilaren 23an, arratsaldeko 17:00tik aurrera Trial Sin ikuskizuna egongo da. Bertan elkartuko dira Euskal Herrian maila goreneko pilotuak eta mota guztietako oztopoak gainditu beharko dituzte: autoak, paleak, eta abar.

Haien erakustaldia amaitzean, Euskaltrialeko pilotuek trial bizikletak jarriz, ordubeteko ikastaroa emango diete bertaratzen diren ume eta gazteei.

Egunak iluntzean, erromeria eta festa izango ta Kupela taldearen eskutik.

Igandean, 10:30ko mezaren ostean, hamaiketakoa egongo da auzo elkartean eta horren ondotik, Herri Kirol jaialdia, Aratz eta Erlantz trikitilariek girotuta.

Herri Kirol jaialdian Nazabal eta Larretxea aizkolariak eta Izeta II eta Izeta IV harrijasotzaileak arituko dira.

Bailarako gazteen arteko kirol jokoak ere izango dira jaialdian.

Eta jarraian, Urtetako Neska-Mutil Ardoen eta bertako ezkonduen arteko sokatira apustua jokatuko da.

Iluntzean, 18:30k aurrera, erromeria izango da Izer eta Lutxurdio trikitilarien eskutik.

 Hurrengo asteburuan ere jarraituko du festak…

Urtarrilaren 29an, ostirala, auzoko ezkonduentzat bertso-afaria egongo da.

Andoni Egaña eta Iker Zubeldia bertsolariak etorriko dira eta jarraian, goizeko ordu txikiak arte luzatuko den erromeria izango da Izer eta Alabierrekin:

Larunbatean, hilaren 30ean, arratsaldeko 4tik aurrera Urtetako X. Mus Txapelketa Azkarra izango da. Bikoteko 20 eurokoa izango da izen ematea

Festak urtarrilaren 31n amaituko dira, Edadetuen egunean:

Egun horretan, 10:30ko mezaren ostean, Txinpirin abesbatzak eta Mollari dantza taldeak ekitaldia eskainiko dute.

Ondoren, hamaiketakoa izango da auzo elkartean.

Horren ostean, idi probak jokatuko dira:

Izetaren idi pareak vs. Olidenen idi pareak.

Azkenik, aurtengo festekin amaitzeko, auzoko edadetuei omenaldi-bazkaria eskainiko diete bertako gazteek.

Ikusten duzuenez, badago zer ospatua Urtetan! Ondo pasa!