Azken Portu

Lehenik, mahai-inguru interesgarria ospatuko da arratsaldean, 19:30etatik aurrera La Salleko aretoan. Txirrindularitzaren bilakaeraren inguruan mintzatuko dira Txomin Perurena, Marino Lejarreta, Abraham Olano eta Vicente Iza, beraiekin batera txirrindulari eta zuzendaria ohi ezagunak izango direlarik.

Bestalde Antoniano aretoan euskal mendizaletasunaren eguna ospatuz emango diote Pagoetakoek amaiera, 50.urteurreneko ekitaldiei. 19:15tan hasiko dira ekitaldiak euskal mendi federazioko lehendakariaren agurrarekin eta 20:45ean amaituko da sari banaketarekin. Azkenik afari batekin emango diote amaiera egunari

      Asteburu honetan ez da festa eta parrandarako aitzakiarik faltako. Aspaldi hasiak daude ihauteriak Euskal Herriko txoko askotan. Hala ere gure inguruan asteburu honetan ospatuko dira , baita Euskal Herriko ezagunenetakoak ere, Tolosakoak alegia. Astelehenerako plan faltan bazabiltzate, Skastiko kanteranoek (www.fotolog.com/skasti)  kontzertua eskainiko dute Tolosako txosnetan, Sexplossion talde zumaiarrarekin batera. Beraz badakizue, Kortatukoek abesten zuten bezala.....en Tolosa ihauteriak!!!

Apirilaren 2an pasako da Korrikaren 16.edizioa gure auzotik, baina bi urtetik behin egiten duten bezala iada hasiak dira aek-ko lagunak Korrika aurreko prestakuntzetan. Korrika kulturala, kulturbira, material salmenta, batzordeak, hamaika lan izaten da egiteko Korrikaren aurretik. Martxoaren 26an Tuteran hasi eta apirilaren 5ean amaituko da Gasteizen aurtengoa. Pixkanaka joango gara gure herrian egingo diren ekimenen berri ematen. Bitartean hementxe duzue 16. edizio honetarako prestatu duten bideoklipa. Korrikaren inguruko informazio guztia www.korrika.org helbidean aurkituko duzue.

Aurtengo festetako kamixetaren diseinua aukeratzeko lehiaketa bat antolatu da. Hona hemen horri buruzko xehetasunak:

OINARRIAK:

1. Trenbidearen alde batekoek zein bestekoek hartu dezakete parte.

2. Gaia: Santa Klara, Azken Portu eta Aritzbataldeko jaiak 2009. Diseinuan testualki gai honi erreferentzia egin beharko zaio (osoki edo partzialki), baina urtea jartzea derrigorrezkoa izango da. Diseinu bat edo bi egin daitezke (kamixeta bularraldetik eta bizkarraldetik, bietatik diseinatu nahi izanez gero).

3. Koloreak: irudian gehienez ere 4 kolore erabili ahalko dira (kamixetaren kolorea eta beste 3).

4. Neurriak: irudiak DIN A4 tamainua ezingo du gainditu, eta bularralderako edo/eta bizkarrerako izan daiteke.

5. Diseinuaren egileak fitxategi (photoshop, freehand, gimp...) originala gordeta izatea komeni da, erresoluzio arazoak ekiditeko edo kamixetaren kolore bakoitzaren banaketa ongi egiteko.

6. Lanak Helbide elektroniko honek spam bot-en kontrako babesa du. Ikusteko Javascript-a aktibatu behar duzu  helbidera bidali beharko dira martxoaren 15a arte (egun hau barne).

7. Diseinu guztiak ikusgai egongo dira Toki Ona tabernan martxoaren 16tik 29ra, eta nahi duenak bere bozka eman ahal izango du lanik gustokoena aukeratzeko. Hortik 3 diseinurik bozkatuenak hartuko dira, eta komisiokideek osatutako epaimahaiak lan irabazlea aukeratuko du, apirilaren 4an.

8. Diseinu irabazlea www.azkenportu.net helbidean iragarriko da, eta ondoren horren berri hurrengo egunetan prentsan ere emango da.

9. Diseinu hori 2009ko festetako irudia izango da, eta besteak beste, kamixeta eta programetan azalduko da.

10. Sariak:

- Toki Ona tabernan 2 lagunentzat otordua.

- Festetako egun batean, barra libre (pertsona irabazlearentzat bakarrik, noski!).

- 4 kamixeta.

- Lehiaketa hau irabaztearen ohorea eta ospea.

11. Komisioak irudiak egokitzeko eskubidea gordeko du.

Beraz, badakizue, hasi zuen ideiei forma ematen. Animatu eta parte hartu!!!